بـسـمــــك ربــــي خـالقي نـبـدا نـنـظـــم
كـلمـه سـهّـلِـي انـكمـَّل مـبـداهـا
عـلى الـصـحـراء واولاد نـايـل نـتـكـلَّـم
سـلـسلـة الأشـراف يـسعد مـن جـاهـا
أهـل الـهـمّـة و النّـيف و امـعاه الـكرم
وأهـل الـدِّيـن اصـلاتهم فـي وقـتـاهـا
فُـرسـان الـبارود مـافِـيـهـمـش الـذم
بيـت الضـيف امـفرّشَـه يـا مـبـهـاهـا
بـزرابـي و امـخـاد عـنـدك لا تُـوهـم
وفــرشـات امـوزّقــه فــرّشـنـاهـا
و الـبـدويـه بِـيـدها تَـڤـلَـع تَـخْـدَم
زربـيـه وافـراش و وســـاد مـعـاهــا
لَـيْـنَـا يُـڤـصُـد ضِـيـف رَبِّـي يا فَاهم
يـتـعـشّـى وايـبـات ڤـصـره مـحلاها
و الـقـهـوه بـالشِّـيـح رِيـحه تـتـنسّم
فـي بَــرّاده ضَــاويـه ڤــدَّمـنـاهـا
و الـفـنـاجـل مـن فَـرْفُـورِي يا مـسْلم
ولاتـاي الْـلّـي حَــبْ وَرْڤـه جـبْـنَـاها
دڤـلــة نُـور وزِيـدهـا قَـرس امـعــرّم
البِـيـت الـحمـرا مـا اتَـعايـر من جـاها
الـبـيـت الـحـمـرا جات فصّحراء مرسـم
وعنـهـا يـسـأل ضـيـف ربـي ويـن راهـا
و الـمـديـون إذا قـصـدنـا يـتـنـعــم
ديـنـو يـخـلـص كـم مـره درنـاهـا
الـمـحـتاج انـكـافـوه و الـلـي جا عازم
و الـحـڤـره مـحـال نـرضـى لـبـلاهـا
و الْـلّـي نَـافـح فــلّـبن عـندك يـحشم
في ڤـدْحِيـه مـن شـكُـوتُـو فَـرّقـنـاها
واڤـصَـاعْ الطَّـعـام للـقـاشـي يـتـلـم
وامـسـڤـي بـدهـان لـضيـافًـا جـاهـا
فَـوْڤـُوا عـشـر اعْـظَـام هـي عَـدّتـهُم
و الـحُـوتَـه وسـط لـڤـصَـاع انـدرناها
و مـن بَـعْـدُو لـتـاي للعَـرضَه يَـخْــتَم
وتـڤـصِـيـر ايـفَاجِي اعـلى النـفس صداها
مـحـلى الـجـلسه في خيـامًـا شُـفـنـهم
نَـعــت قـصـور امْـلُـوك ربـي عـلاّهـا
الـمـشـوي وجـنـاب مـلفـوفْ مـدرقمْ
بـتـوابـل للـضِـيـف بَـنّـه مَـحـلاهـا
هـذا طَـبـع اولاد نـايـل صِـفـتـهــم
الْـلّي مَـا شَـافْ يـشُـوف ذاللـي ڤـلناها
فـالْـڤـنْـطَاسْ الـنايلي مُـكْـحُـلتُـو ثَـمْ
عَـادتْ جـدُّو لِـيـه بـكـرِي خَــلاّهـا
عَـنـدك تـنـسـى عَـادت أبَّـيـكْ تـندم
أرض جـدُودك لِـيـكْ ربّـِي سَــخَّـاهـا
تَـعْـطِـيـك الـخـيـرات كـانْ انْـتَا تخدم
اتْهَـلَى فِـيـها كُونْ لَـيـها مـــــولاهـا
مـنـها ربِّـي خَـالـقـك و الـمَـرجَع ثَـمْ
ومـنـها رزقـك خَـالقـك لِـيـكْ اعـطاها
مَـنـظـر عــصـحراء ايفَـاجِـي كُل الهم
ايرَّيـح ڤـلَّـب الْـلي تـعـب كِـي يـراهـا
يَـا مَـزْيَـنـها فـرّبـيـع الـخـير ايـعـم
لارض بـالأعـشــاب ربِّــي قـطَّـاهــا
و الـمَـرْحُـول إذا خـضَى وسـط الـمَقْسَمْ
مَـنْـظَـر عـنُّـو يـمحي اعلى النفس اصداهـا
ورنَّـاتْ الـخـلـخـال تَـنـطـق تـتـكلّم
ذا لبـدويـه ڤـالْ سَـعـد الْـلِّي اخـضـاها
اغْـزَالَـه شَـرَّادْ نَـظْــرتـهـا تـعــدم
و الـمَـاهـر صـيَّـادْ فَــرَّقْ وخـطـاهـا
بـنـت الـبِـيتْ ابْـزِيـنـهَـا دِيـمَـه تحشم
ورده وســط اجـنـانْ ربِّـي ســجَّـاهـا
وحـتى الخـيـل الـنـايـلي يكسسـب واقـلم
واكـحـيـله يَـبْـرَا الـسّـامـع لـرغـاهـا
يَا سَـامع ڤـلِّـيـشْ شُـفـتـش عَـلْـفتهم
نَـعـت اطـيورَه كِـي يـصبُّـو لـفـنـاهـا
الوَبْـرِي بَـرنُـوس لبْـسَـه تَـطـبـعـهُـم
صُـنـع الـبَـدويـات مـسـعـد واحْـذَاها
واڤـنَـادر بيـضـاء اظْـرِيـفـه تَـحـفتهم
وزِيـدْ الـخِـيـط مـع اعـمـامـه نـوَّاهـا
و البـلقَـه و الـبسـت ذِيـكْ اتـقـاشـرهم
ولَـمْـكَـرْدِي صـبَّـاط طُـعـبي مـحلاها
هَـذَا لـبـس اولاد نـايـل تُـشـكـرهـم
ذرِّيـة الـرّسُـول سَــوّلْ تَـلــڤـاهــا
ربِّـي وفّــر خـيـر عـصّـحـرا وعــزم
مَـطـر الـرّحـمـه راه طـوّل مـا جَـاهـا
لارضْ يـبـسـت و الـزّوايـل تـتـألــم
سُـبـحـانـك مُـحـال خَـلـقـك تَنْسَاها
واسـم الشّـاعـر بـلـحــاج الــمُـعلّم
و عـلى نَـايل جَـابْ كَـلْـمَـه قَـنَّـاهـا
ومـن الـعـرش أولاد وَطْـيَـه مـتـرسّـم
يـسـكن مـسـعـد خـدمـتُـو ورَّيـناها
مـتـربـي فـالـباديـه واهـلُـو مـن ثَـمْ
الـصـحـراء بالـمَـرْحُـول جـمله شُفنَاها
يـا قـالـط بَـلاَكْ تَـنـسـى تَـمْـعَرهُـم
زّور وشُــوف الْـلِّـي ذكـرنا تَـلـڤـاهـا
ايـحـضُّـو عـلجَـار ذِيـكْ طـبَايـعـهم
مَا يـشـتُـوش الـشّـر كَـلْمَـه مَـرْدَاهَـا
كَـلمـة عِـيـب مـعـوّدِيـن اولادتـهـم
كَـمْ منْ رَاحـلْ رَاح يـبـكـي شُـفـناها
و كَـمْ مـن رَاح وجَـا مَـولِّـي لَـيـنا ثَمْ
يـسّـسـمـح مـنَّـا ايـودَّع رَيْـنَـاهـا
نَـايـلْ بـرْ اعْـبَـاد كُـرمَـه شُـفـنـهم
وابـلاد الـصُّـلاّح وَالـرّبْ اعْـطَـاهــا
و بــلاد الـجِـهَـادْ دَوَّرْ تَـلْـڤـاهُــم
جـبل كـحـيـل ايـدُل عـلِّـي ڤـلـناها
دَوَّرْ فـالـتّـاريـخ تَـلـڤـى صَـفـحتهم
مـن عَـهـد الأمِـيـر وَرْوَاح مــعـاهـا
