ودّع مصيـر الحـي يتلاقـا و لو طـال البعـاد
تطـول و لا تقّصـر الدنيـا عليـنـا دآيــره
ودّع مثل ما ودعـت عينـي مساييـر الرقـاد
اللي بقى ساعـه علـى إقفـال بـاب الطايـره
ويلي من الفرقا .. و من ضيعتك .. و عيون العباد
لاعـادك الله صيـف لاربحـه و لا خسـايـره
ياقِل حالـي مـن بعـد فرقـاك قِـلاً مايـزاد
و لبا عيون اللي علـى شانـي رهـت عبايـره
ما الله هداك تهـاود الفرقـى ؟ولو مابـه هـواد
أرب قلبك فيـه صِبـره ؟ لا أعـدم صبايـره
جاهرتك بك و أنـا بعدهـا قابـلاً حـر و بـراد
و الحين ويش ألهـاك ؟ ياصـدري و يا سرايـره
فـــإذا كـتــب ربـــي علي إفراق خلان و بلاد
فيا جعل يكتب بعدها ملقى و خطوة زايره
عودي خضر و وصالك الساقي.. و فرقاك الجراد
الله يعيض التاجـر اللـي روّحـت تجايـره
قِهرت في حرب القهر و إحمِدت في حرب الحماد
و أنتـه معاقبنـي غـلاك أسـيّـره و أسـايـره
منت بمثل غيـرك و لاغيـرك بمثلـك و الوكـاد
المِلـح كنـك أمشيكنّـه و الجمـال أمعـايـره
لو أبوك و أمّك يرّثـون إمحبتـك فـي كـل واد
فـ أنـا غـلاك أمورثنّـه للنجـوم السـايـره
بالضبط حبي لك مثل حب (ابن راسي) للشـداد
و إن كنت كاذب جعل ساقـي تنعسـر جبايـره
اللي حصل لي في وداعك شي يُدعـى الإفتقـاد
دريت بأن أعضاء جسمـي بايـره بـي بايـره
نسيت فـي يـدّك يدينـي و النواظـر و الفـؤاد
و الله لو إنك رُحت ماثـوّرت فيهـا ثايـره
أفضل لي أصبح بعد ما خذيتهـا قطعـة جمـاد
ولا آدمـي ٍ شِـل قلبـه ،، وأنْعمـت بصايـره
الشاعر /علي بن حمري
