السلام عليكم ورحمة الله وبركاته
صباحكم ورد وعطور وقصايد
وقاف ٍ موجه لأبيض الوجه نواف
الله من همن لعبي يانواف
سلطان الفريدي
الله مـــن هـــم ٍ لــعــبــي يــانـــواف
يـصـبـح مـعـي يـمـسـي مـعـي ويـتـغـفـى
يــاهــم جـامـلــتــك وزوّدت الإســـراف
يـرحــم أبــوك الـوقــت كـفــى ووفـــى
الـعــام مـتـعـافــي ولافـيـنــي خـــلاف
والـيـوم شـوف الـوقـت فـيـنــي تـشـفــى
وأخـاف بـكـره يـكـتـبـونـه عـلــى غــلاف
سـلـطـان يـا أهــل الـخـيــر راح وتـوفــى
وكـل الـسـبـب شـي ٍ بـالأعـيـان يـنـشــاف
إنـي رفـضــت أقــول لـلـوقــت تـكـفــى
وبـيـت ٍ عـجـبـنـي حـسـن مـبـداه لـلـقـاف
لــو إن قـافـيـتــه عــلــى إيـــم أفـــى
الـصـاحـب الـلــي مـنـزلــه رأس مـشــراف
فـالـمـوقــف الـتـافــه تـصــدد وقـفــى
يـا لـعـنـبـوهـا عـيـشـة الــذل تـنـعــاف
والـحــر لامــن عــاف حـاجــه يــرفــى
تـعـبـت أعـيـش بـوقـت يـمـلـوه الإجـحـاف
وقـت الـنـمـايـم والـحـكـي فـالـمـقـفــى
هـذي حـيـاتـي يـا أبـيــض الـوجــه نــواف
حــزان وألــم وهـمــوم مـاهــي تـكـفــى