ْ~|\|~ْ
يازمان الوصل وصلني معاك
لااجمل ايامي امانه ودني
خطوتي ماهي على ممشى خطاك
وكل شيٍ عن زماني صدني
كل ماهبت نسايم من بهاك
ثارت شجوني وقالت هدني
يوم ترقابي لعالي مستواك
مانزلت بحاضرٍ ماشدني
تزعل ايامي ويكفيها رضاك
كيف تحسبها وكيف تعدني
وياحبيب العمر قلي وش وراك
لاتقول الوقت ظرفه حدني
الوعد قدام لو يلحق مداك
في العيون السود تكفى هدني
لاتعداني ولاتقطع رجاك
دون كل الناس مره بدني
التفت بالله شف منهو هناك
قبل تجفاني ياليت تردني
ان كتبتك حرف فكري ماقراك
والخيال اللي بنيته هدني
ولو بلشت بحظي الاقشر معاك
ولو عظيم الياس قام يكدني
اتحرى وانتظر حزة لقاك
والقليل من القليل يسدني
مامعي غيرك ولاباقي سواك
انت وصلني وانا باردني
ْ~|\|~ْ
منـقول