السلام عليكم
أحبائي
أعضاء وزوار ومشرفي منتدى الشعر الشعبي
اليوم اضع بين ايديكم قصيدتي الغزليه المتواضعه
وأتمنى أن تنال اعجابكم !!
♥♥ انتي ♥♥
يوم الما أشوفچ ماينحسب يوم
وتعسه كل أيامي المابيها انتي
هيه غير الحياة بلاوجودچ مالها وجود
صرتي رمز لحياتي وكل حياتي انتي
گلبي بأسمچ يضل ينبض دوم
واگف احس لويوم مني رحتي
حتى وانتي يمي الچ أشتاگ
شأوصف الحال لو عني بعدتي
حتى طعم شفاچ أطيب من العسل حيل
صبي من العسل نگطه اعلى شفتي
يالوجهچ أبيض ثلج يبرج دوم
شنهو الثلج يمچ لوبرجتي
أيام وليالي بيچ أفكر ماأنام
ياترى هم بالمثل بيه انتي فكرتي
صرت أحلم بحضنچ أغفه آنه يوم
وهيچ بنص أحضاني انتي نمتي
يااحلى قصيده وأحلى الاحروف
وياأحلى الجمل مابين قصتي
وياأحلى شخص قابلته من اصباي
ويااحلى اسم گلته اعلى شفتي
بقلمي أنا
كاظم العراقي الراقي
اخواني الغوالي لي رجاءٌ واحد
ان قرأتم قصيدتي أتمنى منكم الرد !
لأنني بحاجه الى نقدكم والى اعجابكم !!
محبتي للجميع
