السلام عليكم ورحمة الله وبركاته
قصيده اراقت لي للشاعر المبدع بدر المحيا
ياعلي شوف الباب ماجا مساييـر
ابطو علينـا ياعلـي وش بلاهـم
ياعلي اخاف انك حصل منك تقصير
تقصير سبب عنك قصرة خطاهـم
ياعلي لاجوك الوجيـه المسافيـر
اكثر هلا ياعلـي واتبـع رضاهـم
كثرهلا ياعلـي للـي بهـم خيـر
واقض لهم الحاجه وسر في هواهم
ثم قال علي الهرج جا فيـه تكثيـر
وانا على نهجك وشفق(ن) علاهـم
لكن اصاحيبك نحو عنـك لمطيـر
وانتـه مدوخنـي توجـد تبـاهـم
ادعي لهم ياجعلهـا لهـم مسافيـر
ياابوي وانت شوف ناس(ن) كماهم
ثم قلت انا ياعلي عنـدي تدابيـر
ابتخذهـا ياعلـي فـي حـراهـم
ان كان ابوغازي نصا ربعه مطيـر
ربعـه ذراه اللـي يـذري ذراهـم
ربعه مطير اللـي تهـد الطوابيـر
ماظنتـي ياعلـي يسـلا بـلاهـم
لكن نرجو فـي الليالـي المناحيـر
يجـونـا والا نسـيـر عـلاهـم