وينك حبيبي مبعد عني هناك؟
وين اتصالك يا بعد كل غالي؟
إن غبت عني .. غابت الروح وياك
تسهر عيوني ما تبات الليالي
يا شين عمري يا غناتي بلياك
عمري بدونك .. لا حشا ماهنالي
ياكم أردد وأنت زود تفرقاك
تدري حبيبي ضاق دونك مجالي
أرحم بوصلك من يحبك ويهواك
أسأل وليتك تستجيب لسؤالي
والله عمري لومضى .. آترياك
اصبر ولا ابدل بغيرك بدالي
قلب يحبك يسعد بيوم لقياك
تدري مرادي بس .. لحظة وصالي
عين بشوفك تشرق بشمس رؤياك
وشوقي تعدا يا حياتي خيالي
صدق حبيبي ما معي حد يسواك
ارجع دخيلك .. يا بعد كل غالي
