السـلام عليكم ورحمة الله وبركآته
\
\\
\
احط ايدي على راسـي .. وانـادي دمعتيـن وآه
ولا ألقى .. سوى صوت ٍ صداه مغربـل احوالـي
يقول إن العمر ظالـم .. واردد مـن وراه (الله)
كأنه دندن بأذنـي .. نغـم وقتـي وشقـا حالـي
وادورني .. ولا ألقى سوى شخص ٍ يبـي دنيـاه
تغني لـه .. علـى نغمـة سعـاده مالهـا تالـي
واشوف الوقت يسرقني .. وانا ساكت على بلـواه
واذا شانت هواجيسي .. غفيـت ونمـت بلحالـي
ولامن صحصح الصبح .. وصحى شاعر كره معناه
اهيجن بالقهر واسمع .. خطاوي رقصـة اهبالـي
واغني للتعب غنوه . . تسلي خاطـري وشكـواه
واحلي وقتي المر . . بْسوالـف حلمـي الحالـي
وانادي أطهر احبابي . . على صوت ٍ بكى فرقاه
واغازل تينة الحسرة . . وأطلسم للعنب بالي
وألْـجم طيري الشادي . . لجل ماينكشف مغناه
وأناظر بالسما غيمة . . تعزوى بخيبة آمالي
واحاور نفسي وتنطق ( انا هذا الشقا ما أقواه)
واسرّع خطوتي واسكت . . واهزهز راسي العالي
واشوف الظل في ظلي . . حوى زول ٍ نطق (أوّاه)
سعيد بـ عيشته لكن . . ذليل بدمعة أمثالي !!
\
\\
\
