ـــ(لو كُنت مُطيع )ـــ
*****
لوكُنت مُطيع طَب طيع رَبَك
هتلاقي التوفيق بقىَ دَربَك
الخير أكلَك والنور شُربَك
ومَدام قُربَك مِن ناس شَكلَك
هتلاقي حلول كُل مشاكلَك
وأمان مليان نوره فِ قَلبَك
حتىَ إسمَع حِكايات مِن قَبلَك
يقولولك إلحَق طيع رَبَك
*****
وإن جيت لِلحَق كلام سِرَك
عايز تلقىَ اللي يسُرَك
خللي خيرَك يغلب شَرَك
وماتسمعش كلام بيضُرَك
دا كلام فاضي إوعىَ يغُرَك
هتلاقي سُكَر غَيَر مُرَك
و دا بَس عشان بِتطيع رَبَك
*****
هَتحِس كمان ناس بتحِبَك
وفِ وقت زَعَل يغفروا ذَنبَك
فِ الشِدَه تلاقيهُم جَمبَك
ودا كُلُه عشان بِتطيع رَبَك
*****