horus
*****************
عدد المساهمات : 61
الموقع : https://mohadraty.yoo7.com/
 | | موضوع: ابداعات صلاح جاهين الأحد أغسطس 14, 2011 9:22 am | |
| ابداعات صلاح جاهين فى يوم من الأيام، راح اكتب قصيدة،
عن السما، عن ورده على راس نهد،
عن قطتى، عن الكمنجة الشريدة،
عن نخلتين فوق فى العلالى السعيدة،
عن عيش بيتفتفت فى أوده بعيده،
عن مروحه م الورق،
عن بنت فايره من بنات الزنج،
عن السفنج،
عن العنب، عن الهدوم الجديدة،
عن حدايات شبرا، عن الشطرنج،
عن كوبرى للمشنقة،
عن برطمان أقراص منومة،
عن مهر واثب من على سور حديد
وف بطنه داخله الحديده،
عن طفل بقميص نوم،
عن قوس قزح بعد الصلا فى العيد،
عن طرطشات البحر …ح اكتب يوم،
ح اكتب قصيده،
ح اكتبها، وان ماكتبتهاش انا حر …
الطير ما هواش ملزوم بالزقزقة.
............................................................................
قالـوا ابـن آدم روح وبـدنـه كـفن
قالوا لأ بدن . قالوا لأ ده روح فى بـدن
رفـرف فـؤادى مـع الرايـات فى الهوا
أنـا قلت لأ روح فى بدن فـى وطـن
عـجبى !!
.............................................................................
قطـى العـزيز راقد عـلى الكنبــات
فـى نـوم لذيـذ . . وبيلحس الشـنبات
وانا كـل عين فنجـان مدلـدق قلـق
صـدق اللـى قال إن الحياة منـابات
عـجبى !!
..............................................................................
قـالـوا الشـقيق بيـمص دم الشــقيق
والنـاس مـا هيـاش نـاس بحـق وحقيق
قـلـبى رمـيتـه وجبت غيـره حـجـر
داب الحجـر . . . ورجعت قلـبى رقيق
عـجبى !!
| |
|
المغربي
.
عدد المساهمات : 22
| | موضوع: رد: ابداعات صلاح جاهين الأحد أغسطس 14, 2011 9:16 pm | |
| | |
|
