إلى من جرحني.....
..
..
أكابر كأن جرح لايوجد بهالروح
وأنه بيه جرح قدجاء من عده
...جرحي من أغلى ناسي وليش هيج يصير
أعز ناس الكلب أتحولوا ضده
بنه بيت الجرح وأصبح أساسه هموم
من طاري الوداع ومابعد رده
ومن دمعة عيونك يعني هذا فراك
سحاب على الجفن بس بالدمع نده
نهر دمعي وجره غركلي هالخدين
لأن شلال دمعي ومحد يصده
تحت شلال جفني سده آنه بنيت
بس موج الدمع هدملي هالسده
وهاي العين بعدك ماتحب أنسان
تحبه وتالي دمعه تفيض بخده
وصح الجسد عايش بس بدون عيون
شنو نفع العيون بليل بالوحده
عيني الماتشوفك شلي بيها وليش
أباوع عالصور من كنت أنه بسده
كنت أسعد أنسان بعشرتك والله
كنت أعشق شقاك وزعلك وحده
شلت جفك علي بس كنت أظن أوميت
بس رفعت كفوفك سهم متعده
ضرب كلبي السهم شتتلي قلبي أشلاء
وآنه الكنت أظن منك أجت ورده
ركز ياكلب هالسهم بي بصمات
بي بصمات أيدي الكانت تحده
بطل ياكلب لاتبجي عالباعوك
وبعد صدك قميص العشك ما أقده
ولاتذكر وقت محتاجه كي تنساه
أنسى أنته اليبيعك وبأقل مده
وتوب من العشك ياكلب كافي عناد
وأنسه أنته العشك باب العشك سده
بقلمي......
